冇C朗，皇馬都掂！皇家馬德里在周日西甲聯賽作客基達菲，就算仍有基斯坦奴朗拿度（C朗）坐波監，憑加里夫巴利、賓施馬等戰將，仍足夠大勝基軍，保持爭標機會，「讓球主客和」宜熱捧「客勝」。（球賽編號：星期日24；now632台明日0:00am直播）
上年金球獎得主C朗，在月初對畢爾包的聯賽中領紅，需停賽3場，前仗對維拉利爾首度服役，皇馬仍憑整體實力以4:2擊退這支神奇升班馬，加里夫巴利、賓施馬、謝斯洛迪古斯均有建功；其中巴利更怕「激嬲」C朗，賽後大講好說話，指一直視C朗為偶像，沒有可能取代他云云。當然缺少今季累積22個聯賽入球的C朗，對皇馬攻力一定有影響，但換另一個角度來看，這可讓球隊攻擊力更見平均，各戰將都有埋門機會，反而更令對手防不勝防。
作為首都另一支球隊，基達菲曾令皇馬吃下不少苦頭，包括上季主場以2:1擊敗對方，但基軍近期陷於頹勢，近8場聯賽竟然只得2和6負，當中6場比賽沒有入球。基達菲今仗更有一對後衞羅拔圖拿高及艾華路阿羅約停賽，令本身不穩防線雪上加霜，以球隊之前面對巴塞、馬體會等勁旅都大敗，周日縱有主場之利，面對強勢的皇馬難予厚望。
華倫回勇受讓筍
同日另一場直播，由西維爾主場對華倫西亞（球賽編號：星期日35；now632台明日4:00am直播）；華倫自1月傳出獲新加坡富商入主後，士氣明顯回升，聯賽兩連勝兼入8球，包括打破巴塞主場不敗身，今仗可望再在3連敗的西維爾身上搶分，受讓平/半取下盤。文：牽牛