郭富城、龍小菌及KellyJackie等昨日到屯門義賣曲奇為長者籌款，身為「伸手助人協會大使」的城城最受歡迎，特別是出席的公公婆婆，圍住他不停合照，城城亦黃大仙上身，有求必應，細心招呼。
侍母至孝的城城一直以來都特別照顧身邊老人家，他說：「老人家對社會有好大貢獻，佢哋退休之後更加應該得到關懷，我自己嘅基金都有幫老人家，曾經捐過架復康巴士，希望遲啲捐多一架。」
城城被公公婆婆團團圍住，他笑言老人家都當他是孫仔，他說：「我好鍾意同老人家相處，佢哋好似BB咁，我阿媽都係似小朋友。」
攬錫大情人
至於前日情人節，城城透露跟他的「最大情人」食湯圓溫馨度過，他說：「我同阿媽過，攬吓佢、錫吓佢，佢係我最大情人，冇人可以代替！」城媽還做了廿多粒湯圓，城城笑言幸好有哥哥幫手食，而前晚一家人過得開心，他說：「𠵱家未有情人，一家人一齊開心，其他嘢唔重要。」城城下月要拍電影，故現在爭取時間陪媽媽。
採訪：王崇穎
攝影：黃偉雄
