嫁入豪門11年，做少奶奶嘅黎瑞恩，最近傳出同老公曾智明婚姻亮起紅燈，仲話搬離咗曾家大宅，帶一對仔女住喺酒店式住宅，新年都係一對仔女由工人陪同返去拜年，小恩子完全冇影。而一對仔女嘅fb，亦完全冇老竇嘅相喺入面，可見曾智明同一對仔女關係疏離。
而小恩子多次被問婚變傳聞，多次都冇正面否認或承認件事。近日佢比面老友劉小慧，為佢主持嘅節目做嘉賓，再被問到婚姻狀況，佢回答問題時候眼濕濕，話話適當既時候作出交代。
昨日小恩子就喺微博貼咗張自拍照，寫話：「大家好嗎，我冇事，亦都冇眼濕濕，唔駛擔心我，我凈係想餘下嘅日子過得開心啲，多謝大家關心，咁喺度祝大家生活愉快！身體健康。」似乎想澄清佢被問婚變眼濕濕一事，而作為圈中多年老友嘅蔡一智都回答佢話心照﹗但係小恩子一句「餘下既日子」睇落令人感到有啲不安喎﹗
而喺微博度，有唔少fans都有留言話支持佢，當然唔少得一班圈中好友啦，好似劉玉翠、 伍詠薇同蔡一智都有留言支持小恩子。