新秀挑戰賽上周五率先舉行，由希爾隊對韋伯隊，代表希爾隊嘅拓荒者後衞尼拉特，豪言今個明星賽要贏晒5個冠軍，都總算踏出第1步，希爾隊以142:136勝出，不過贏波最大功臣就反而係活塞中鋒杜蒙特（0號），呢位2年生獨取30分外，仲破新人賽紀錄拉下25個籃板，最後拎埋賽事MVP；不過頒獎期間發生小插曲，贊助商BBVA銀行派出主席頒獎，但竟將獎項跌爛一分為二，搞到杜蒙特好尷尬，扁晒嘴影威水相。講番場比賽，氣氛一啲都唔似表演性質，最後階段韋伯隊射手小添夏達威同希爾隊嘅禾達斯仲單挑3分球大戰，韋伯隊為追分，竟然用到犯規戰術，兩隊新秀都冇欺場。