上周係情人節，唔少球星都將同另一半嘅合照放上網，大晒幸福。要數最有創意，應該係羅拔利雲度夫斯基，呢位多蒙特射手同老婆安娜一齊健身，見到有張羅拔仔倒吊半空同老婆咀嘴（左圖），非常高難度。雖然吊到羅拔仔成塊面都紅晒，但佢平時踢波體能咁掂，應該頂得順。講sweet，就應該係卡卡嗰張，佢老婆挨喺佢胸前，兩個人深情對望（右圖），真係羨煞旁人。