將於明星賽進行盛大榮休儀式嘅前NBA總裁史坦（圖），據報已經直接入選今年名人堂，其他「入堂」嘅名將就有莫寧、添夏達威、列治文、奇雲莊遜等，正式名單就要4月8日先公佈。另外，新NBA總裁阿當施華就新搞作多多，好似想建議明星賽由周末，擴展至整個星期都有活動，另外計劃啟用集中重播中心，以協助球證執法，減少球證睇重播時間。