蓋鳴暉、吳美英和米雪在北角新光戲院演出粵劇《花海紅樓》，前晚在北角舉行慶功宴，這次新劇目入面有大膽演出，故事以紅樓夢為藍本大觀園背景，飾演賈寶玉的蓋鳴暉更要摸米雪胸，蓋鳴暉憶述現場反應：「佢哋覺得好得意，其實我係跟番個劇本，粵劇未試過咁大膽咁放，米雪冇乜點反對，最重要大家係女仔，冇咗個隔膜，唔會話乜鹹豬手呀！」