【記者潘婉玲報道】有人說：馬拉松如人生，無法預計能跑多遠和有誰能陪伴自己到終點。潘志成因父親患癌離世，決定以跑步為癌病基金籌款，也為亡父走未完的人生旅途。
「2月10日跑了16.15k」，潘志成（Paul）的facebook專頁「一分一毫一公里」，其實更像一份個人練習紀錄。專頁於去年8月開設，每跑一公里，Paul便向香港癌症基金會捐出5元，目標於一年內籌得5萬元，但半年過去，如今只達目標的兩成。
「好似同佢一齊跑緊咁」
此決定緣於去年，Paul的老父因胰臟癌離世，發病至撒手人寰才短短兩個月，「佢可以行入醫院，但後期得番手指郁到！」原訂年底結婚的幼子，把婚事提前至年中，「細佬5月30號結婚，去醫院敬茶，佢6月2號就走咗」。翻起尚未結痂的傷口，Paul的痛楚猶在。
父親2010年中風，其後又經歷胃出血，生命早已進入最後倒數階段，於Paul心中，老父不苟言笑，父子間並不親密，「佢大男人，有乜嘢都擺喺心，反而去醫院探佢，會傾偈」。至於傾談內容，Paul拒絕透露，「唔講得喎，連我阿媽都唔知，哈哈！」父子間的秘密，永存心底。
年輕時從事五金工程的老父，經常義字當頭，「朋友價、蝕本價都幫人做，點解呢？」Paul經營製衣公司，曾認為老父當年的行徑很笨，但重情重義，換來各方好友，每天圍在病床話當年，伴老父走完人生最後一程。
Paul於2009年起愛上跑步，多次參加香港、澳門、日本的馬拉松賽事，4月更會到日本東京參加環富士山越野賽，首次挑戰100公里以上賽事。每天練習，曾讓父親大惑不解，「有時我話唔得閒，要去跑步，佢會問『跑步？』佢覺得有乜嘢意思呢？又唔係搵食，對佢嚟講冇乜嘢意義！」
如今，父親雖已經離開，Paul卻仿似踏着亡父的足迹，替他走着未完成的旅途，「好似同佢一齊跑緊咁！有時好攰、唔想跑，但諗諗吓，又會繼續做」。