官恩娜（Ella）昨日於銅鑼灣出席鞋履品牌La Bellezza開幕活動，適逢昨天是中、西情人節，大會安排兩位小朋友給Ella送上玫瑰花及香吻，可惜其中一位小男孩不願錫Ella，令她食了多次檸檬，卻逗得Ella非常開心。談到情人節，Ella笑說：「今晚（昨晚）我安排咗燭光晚餐，係我人生第一次自己安排，我冇準備禮物，有得食已經好好，我係一個稱職嘅員工，唔係一個稱職嘅情人。」
今年已是Ella與醫生男友共度的第五個情人節，被問到怕不怕男友求婚？Ella即搞笑謂：「好驚呀！你哋咁問我真係驚驚哋。唔好太驚喜，我個心唔好，我鍾意簡單啲。14年全年都計劃工作，佢問到先算，我入咗行10年，生活、事業都同香港人一齊成長，冇事會隱瞞，喜事會講出嚟，但唔會今年。」
採訪：羅慧敏
攝影：葉君海