李慧玲昨自爆被打壓經過時，不開名提及到「兩男子」，包括一名梁振英的「身邊人」曾向她作「善意提醒」，着她小心飯碗，但又千萬不要學「某某」商台前主持般。據知，「身邊人」是曾貼身服侍兩任特首的問責官員、「某某」則是一位姓名只有兩個字的前烽煙節目主持人。
「梁身邊人」是四眼高官
李慧玲昨在記者會上披露曾收過警告：「梁振英身邊嘅人走嚟同我講，叫我小心你份工，我即時反應係，我有冇人身安全㗎？佢話，咁又唔使擔心，𠵱家個政府又未去到咁嘅程度。」官場盛傳，此「身邊人」是一位曾在曾蔭權及梁振英時代，皆為問責班子成員，熟悉心戰工作、目前出任非局長職位的「四眼」高官。
「某某」主持烽煙永遠錯
李慧玲又稱，她曾問「梁振英身邊人」有何建議，對方回答指：「如果你做烽煙節目主持，可以做到『某某』咁，咁咪冇問題囉。不過，如果連你都做到『某某』咁，咁就連我都睇唔起你喇李慧玲。」據了解，這位連梁營「身邊人」也不以為然的「某某」，是商台的前高層，曾主持烽煙節目卻劣評如潮，永遠也沒員工覺得他「做得對」。