喺香港傳媒自由空間步入嚴冬嘅時候,八方一班同業緊守崗位,鍥而不捨,繼續奮發,喺人家溫馨過節嘅時候,默默為新聞專業而「犧牲」,佢哋就係《南華早報》嘅群英。話說《南早》一年一度嘅員工表現評核已經完成,報館高層對評核報告相當認真,任何評核成績唔達標嘅記者,都要接受嚴格嘅再培訓,確保報章質素不負讀者期望。
英文報唔迷信
而呢個喺農曆新年前後進行嘅職業再培訓,可以話係別開生面,培訓項目就係要求記者為對方互相杜撰訃聞(Obituary)。冇錯,新年流流寫訃聞。《南早》係英文大報,呢啲傳統中國人嘅迷信忌諱,當然唔需要考慮。不過報館華洋雜處,過時過節互相讚揚對方甚麼「浩氣長存」、「音容宛在」,迎春變傷春,少不免令人啼笑皆非。
好明顯,以吉林政協為首嘅《南早》高層,無非都係為咗記者好。事關喺西方傳理學裏面,識寫訃聞係好重要嘅新聞報道技巧,因為訃聞包括故人嘅生平故事,記者要回顧一個人嘅一生大事,並且從中帶出有啟發意義嘅訊息,所以能夠寫好一篇訃聞,報道其他新聞就唔會有難度。
mailto:[email protected]