一向關注西九臭味問題嘅梁美芬，噚日喺立法會就施政報告環保政策發言時，就臭味問題狙擊政府，話自己早喺2012年已經邀請狼振英去西九，用佢自己個鼻聞一聞，感受吓西九海風臭味對市民生活造成嘅影響；但唔知係咪費事臭味相投，狼英一直冇應承。鼠王芬又話，佢個西九新動力現正同公開大學聯手，每隔四個月，就會喺唔同海域進行抽樣調查，發現海中嘅大腸桿菌指數仍遠超合理標準，水質不宜進行渡海泳。
為講明西九臭味有幾嚴重，鼠王芬發言時不惜用「重口味」比喻，話現時西九海濱「就好似一個好漂亮嘅美女，如果你行過去好近的時候，發覺佢身體有臭狐」咁話喎。