劉家良遺孀翁靜晶，昨日率領長女劉萬儀、大兒子劉永強及徒弟冼國林等，於沙田寶福山為劉師傅進行上位儀式，其間徒孫耍猴拳及鐵線拳，翁靜晶為亡夫獻上玫瑰時不禁落淚。
早前翁靜晶代亡夫向邵氏追討500萬片酬一事，昨日有指冼國林已代為繳付500萬，對此翁靜晶說：「既然對方玩閃避球，我哋都算喇，當然我好希望亦好歡迎對方改變初衷，念念舊情，但如果又係搞啲卡通聲就無謂喇！」她又說：「上半生我嘅愛只畀晒屋企同師傅，𠵱家可以分畀大家，我睇報道都有好多藝人生活潦倒，所以基金會幫呢啲藝人，都會聯絡劉家輝。」
翁靜晶提到為師傅籌醫藥費而要打七份工時，她眼泛淚光說：「如果師傅得到佢應有嘅酬勞，作為佢女人就唔使打七份工，師傅亦可以過得好啲，不過我唔係怨，我冇後悔過！」冼國林被問代繳500萬一事時說：「師傅今日上位，覺得所有事今日都應該完結，無謂要兩位老人家難過。」
採訪：譚倩宜
攝影：陳慧安