【廉潔之父】
提起廉政公署，不能不提首任廉政專員姬達爵士。曾與姬達並肩作戰的廉署人員都稱讚他對肅貪倡廉有堅定信念，而且高瞻遠矚，開創廉署三管齊下制度，令人「不敢、不能及不想」貪污，為香港奠下廉潔基石，是「香港廉潔之父」。溫文的他，曾以「scum」（人渣）來形容貪污者。
創三管齊下制成典範
作為姬達親密戰友的首任廉署社區關係處處長余黎青萍高度讚揚這位前上司，不但高瞻遠矚，且為人儉樸，喜歡步行走訪各界，講解廉署工作，「盡量唔坐專車」，「記得有一年聖誕節喺中環街頭，有一名女子見到姬達爵士，即刻向佢鞠躬，亦試過喺上環等過馬路時，有貨車司機認得姬達爵士，停車讓畀佢行先」。
余指出，姬達痛恨貪污罪行，「記得有次我哋去地區議會講解廉署工作時，佢以英文『scum』形容貪污嘅人，但我覺得語氣太重，只係譯作敗類」。結果懂得粵語的姬達罕有地責備余，「問我點解唔直譯人渣，佢一向用詞都好溫文，絕少用咁重嘅詞語，反映佢非常痛恨貪污舞弊」。
另一曾與姬達共事過的廉署前總調查主任查錫我亦讚揚姬達對反貪有強烈的使命感，「佢時常同我哋講呢場係靜默的革命，特別係佢設計廉署三管齊下制度，令香港成為全球反貪典範，可以講佢係精神領袖」。
查又稱讚姬達關心下屬及講道理，「我浸會畢業，當時浸會仲未係大學，人工比同級港大畢業嘅同事低四個起薪點，我同姬達爵士理論，質問廉署嘅人工差距點解大過政府（兩者人工相距一個起薪點）」。姬達答應安排一場面試，若查的能力不遜於同級大學畢業的同事，就將他的人工與大家看齊，結果查通過測試，姬達亦遵守承諾，「呢件事反映佢係一個講道理，唔會睇小基層職員嘅人」。
《蘋果》記者