何謂未富先驕？注意，重點落在「未富」頭上，解讀未富，乃急特首所急：
一，當強國拖篋輾過你對腳，但你那雙球鞋不是Prada與Gucci，不必譚惠珠和梁愛詩拋你，你就係廣東道上的主流未富。
二，當李嘉誠讚自己兩個仔幾咁叻，而你永遠不能輸入富貴DNA，呢世做不成富二代，今日未富，你的下一代，必然是未富三代。餘此類推，跟獅子山精神一樣，未富將會成為精神風土病！
三，內地人撐「東莞挺住」，雖然同胞從來冇叫「香港雄起」，但在土豪盛世中，使港幣的香港大跌watt，梁特首冇英屬處女島私人戶口，埋唔到富到爆的領導人身。愛國愛港又點？未富，食塵！
四，審視貪湯那張送內地高幹曲奇餅和牛腩的名單，是未富的鐵證。
五，郵輪豪客，為了幾千元團費賠償佔領郵輪，肯定未富。否則由蔣議員帶頭，假假地用一千蚊紙，擲爛甲板都得！蔣自稱弱勢，嗚呼，梁振英還講富？富佢個屁！