喺下周一就滿51歲嘅「籃球之神」米高佐敦（右），預先收到生日禮物，仲係喜事成雙一孖過。佐敦上年同前名模耶維蒂（左）結婚，後者星期日已經順利誕下一對孖女。佐敦發言人樸奴話：「佢哋母女平安，全家上下都對小生命嚟到呢個世界，感到高興。」據講，佐敦幫佢兩個囡囡，分別改名做維多莉亞同伊莎貝爾。