梁家輝、熊黛林（Lynn）、Mandy Lieu和林莉等昨日到澳門出席太陽臻薈的開幕酒會，同場出席還包括向華強、向太陳嵐及太陽娛樂老闆周焯華。梁家輝稱因工作，情人節會在北京度過，幸好太太相陪開工，希望早收工與太太慶祝。會否趁機揀珠寶作禮物？家輝笑說：「我已經送咗呢一世人畀佢，不過只要佢鍾意又戴得好睇，我乜嘢都會送畀佢。」
大露背上陣的Lynn，被問到情人節會怎樣過？她笑說：「唔知係咪講過唔想連累人，所以啲人唔敢約我，希望過完情人節就日日有人約。」訪問其間向太專登派利是給Lynn，問Lynn是否很想派利是？她面紅紅說：「有朋友話派啲唔係自己個姓嘅利是，感覺係好開心，我都好想試吓，希望有呢一日，我都係普通女仔，都好想快啲拍拖。」Mandy亦稱今年情人節未有着落。
採訪、攝影：譚倩宜