【本報訊】「May姐」馮美基最為人熟悉是其「哈哈哈」的招牌響亮笑聲，有人或會覺得刺耳，但也有人認為大笑盡顯她的真性情。她在接受記者電話訪問時，也多番開懷大笑。她說，從沒有因笑而令身體不適，也不擔心大笑會引發健康危機，「笑令自己好開心，好自然就笑，又唔係扮出嚟」。
指笑聲發自內心
May姐表示自己一向性格樂觀，故特別容易笑，包括在電視節目中經常大笑，「係扮唔到出嚟嘅」。
她說就算在訪問中發現記者因很緊張，不自覺重複自己身份及訪問目的，「咁樣我已經覺得好笑，聽到你好緊張」，之後又是一輪哈哈哈的笑聲。
May姐指笑可以令自己開心，「唔擔心會有健康問題，又唔係由朝笑到晚，係好自然咁笑，無嘢需要擔心」。每次大笑都是發自內心，「想人開心，總好過黑口黑面」。
她憶述已故老友肥姐沈殿霞，比她更容易大笑，「有一次我覺得個笑話好行貨，但阿肥已經大聲笑，鄧光榮就話使唔使呀，阿肥佢乜嘢都覺得好笑」。
May姐說會保持自己的開朗性格，「無傷害人點解要改？」