立法會秘書處近來頻頻有新搞作。繼立法會YouTube頻道同flickr相簿後，噚日推出立法會App，以後公眾人士就可以用手機，隨時睇到立法會會議資訊同活動資料。八方試用過，發現呢個App提供嘅資訊同立法會個網頁一樣，有立法會日誌、議員通訊、圖片等，仲有實用連結，如即時收聽會議等。立法會秘書長陳維安話有咗立法會App，公眾人士以後攞立法會資訊就更easy，佢哋仲提供繁體中文、簡體中文同英文版任君選擇。
其實政府負責mark實議員投票嘅AO狗仔隊，成日認唔晒70個議員，要印成叠紙出嚟認人，以後一開個App咪一目了然囉。