本周五雙料情人節（元宵與西方情人節同日），食肆最受惠，娛樂大亨林建岳旗下米芝蓮三星餐廳8 1/2 Otto e Mezzo Bombana情人節餐每位2,080元，已經一早訂滿座；貴價茶餐廳翠華（1314）亦推出每位108元情人節套餐。
翠華舊年都有推出情人餐，今年呢款情人餐只限供應一天，有牛扒同帆立貝，除銅鑼灣店賣108蚊外，其他分店嘅價錢就有些少唔同。不過，有男食客就擔心，情人節帶女友去茶餐廳食飯，女友會黑面；女食客亦唔多受落。
情人節食翠華的確冇乜情調，大家樂（341）深明此道，費事推出情人餐。賣雞嘅KFC就伺機抽水，話情人節買西檸甜脆雞系列，送一個檸檬，話要幫宅男宅女鍛煉表白嘅勇氣喎。