長實（001）樓神趙國雄出名鍾意以不同造型宣傳新盤，近年已經稍為收斂，早排都係着黑皮褸、帶黑超扮明星做宣傳。噚日長實春茗團拜，趙國雄為咗襯番馬年就扮騎師。不過翻查資料，佢呢套騎師裝束係循環再用，早於2008年已經着過。
趙國雄話，考慮過扮馬仔出場，最終認為騎師最好，因騎師可以掌握一切，喻意佢哋今年可以掌握市況、銷情同埋買家需要。2008年香港協辦奧運馬術比賽，佢當年已經着過呢套衫做宣傳，放埋幾年，今年竟然又啱用，呢套衫用cashmere製造，盛惠4,000元。
至於點解唔係大紅大紫嘅吉祥顏色，聞說係因為綠色旺佢。