昨日天氣凍到咁，大部份地區得個位數，大家有冇包到成隻糉咁先？天文台話昨早得7.5度，係18年以來最凍嘅2月，真係凍到人都癲，不過張可頤似乎就唔怕呢股寒流喎。
頭先張可頤就喺網上載咗一堆相，估計佢去咗疑似係大帽山頂，可頤仲着晒運動服，見佢拉筋又壓腿，做足熱身，佢話：「我想，每個人都可以設計自己的生活模式。我相信，任何模式只要可讓自己真正喜樂，才有更大的能量走得更遠。香港今天濕冷，只有8度暖暖被窩到這裡，還真是有點遠距離，堅持心中的節奏，keep going !」
除咗唔怕凍，真係要有一份堅持，先可以出到去做運動，吸收日月精華同天地靈氣，佢又貼咗張英文圖片，寫住：「No one is Busy in this world, It's all about Priorities.」咦，呢句到底有咩玄機呢？