台灣收緊移民條件，將投資金額增加一倍。香港人窮得只剩錢嗎？是時候諗吓，假如移民台灣，可以靠什麼過日辰。
一，貫徹香港精神，炒……樓，未必輪到你，炒菜炒飯啦，香港小菜，在申入世遺之前，還是有得做。
二，開咖啡店非常優雅，但未必夠交租。食住強國人盛世之風，開奶粉尿片和日用品中介服務，博馬英九唔會學狼英搞限奶令，會有得做。
三，幫港出×，幫到去台灣。聽講葉劉的like，最多來自台灣。專門幫中、港、台和澳門高速密集地出like，實搵到食。
錢幣有兩面，落戶台灣，注意唔可以做的，包括一，名嘴，台灣自己多到唔恨（名胸更多！請考慮其他器官！）二，做議員，無論收錢抑或冇收錢，個個都咁打得，香港人財多身子弱，唔係敵手。三，做賀歲金雞。台灣電影一向有質檢保證，冇咁雞，自認有諗頭者，冇謂獻醜。