廠商會噚日舉行新春團拜，年底改選會長嘅「戰況」自然係熱話。話說廠商會11月換屆，現任會長施榮懷夠期卸任，目前下屆會長熱門人選分別係副會長顏吳餘英同第二副會長李秀恒。八方噚日問過顏太，佢直言「係參選人之一」，笑言若獲選，將會係廠商會80年來首個女會長。佢話喺工業界打滾多年，一直同男士合作得好好。至於梁粉李秀恒雖然話喺廠商會做會董18年，如果有野心就一早參選；但因為今次第一副會長陳淑玲冇表態要選，覺得若連第二副會長都唔去馬，好似唔多好，而佢亦想服務廠商會多三年囉，答案呼之欲出。施會長話任何有能力嘅人選都支持喎。