教育局話廣東話是「一種不是法定語言的中國方言」，連導演王晶都睇唔過眼。《輔仁媒體》報道王晶噚日出席樹仁大學一個講座時提及，教育局有此說法係「bull shit」，引述王晶稱，認為事件係「有人擦鞋過度，中央根本沒這種看法」，擺明唔like教育局亂咁噏。但查實王晶係贊成用普通話教中文㗎，佢覺得唔少中文科教材都用普通話編寫，而詩詞用普通話入韻就比較優美，用廣東話去教中國文學，反而彆扭喎。
佢仲話，若以電影作為事業，最好遠離政治，做最多人喜歡嘅電影從而得到最大嘅市場，但都尊重一啲走另類路線嘅電影人如陳果等嘅選擇。