台灣模範夫妻范瑋琪（范范）同陳建州（黑人），成日都喺微博互寸互窒，除咗擺明晒恩愛等大家「葡萄」之外，應該都冇乜第二個意思㗎啦。
藝人好多時都鍾意出埠避年，佢兩公婆近日就去咗夏威夷玩喇，前日大家睇過林心如喺酒店騷美腿嘅梳乎相，噚日就睇吓人妻范范嘅相啦，黑人留言寫到：「只要跟喜歡的人在一起～坐在這一個下午都OK」哇﹗冧到呢﹗
佢哋小口子7號喺台灣出發，呢幾日都係攤抖吓、行吓海灘互影靚相咁，又去咗燒槍，黑人仲試玩AK47添呀。
黑人仲大讚老婆范范素顏靚：「這趟旅程真的很棒，因為范范都還沒有發脾氣～哈哈！PS:妳素顏真美～ 」嗱，話口未完又開始互寸喇。