正當阿里巴巴創辦人馬雲與騰訊（700）老闆馬化騰喺網絡世界鬥得難分難解，內地另一位科網巨子百度老闆李彥宏就計劃投資3D動畫電影，打算做埋電影大亨。
《Hollywood Reporter》網站報道，李彥宏計劃出資支持一間由南韓製片人Jeongjung Kim與內地製片人Gary Zhang營運嘅電影公司Aquamen Entertainment，第一套開拍嘅電影，係用《西遊記》改編嘅3D動畫電影《悟空》（Kong）。
《悟空》講述孫悟空嘅誕生過程，除傳統元素，仲會加入外星人與機器人等科幻元素。有傳聞指，呢套電影嘅投資額達到4,000萬美元（3.12億港元）。業內人士分析，李彥宏此舉旨在改變中國國產動畫數量大、質量差嘅困局。