狗是人類最好的朋友？看兩位現役及前任香港精英運動員吳安儀及蔡曉慧，狗在她們心目中簡直等同親人，不但為自己的桌球及游泳事業增添色彩，更是她們參加今屆渣打馬拉松的新動力，為愛犬而戰，更為慈善而跑。
記者：徐嘉華
攝影：黃賢創、黃永俊
日日跑幫Muffin放電
香港桌球壇「四眼妹」吳安儀的金毛尋回犬叫Muffin（鬆餅），大家沒聽錯，4個月前開始養狗的她解釋：「我同男朋友（Lorn）都鍾意食，係為食一族，所以狗女都以食物命名，覺得鬆餅啲淺啡色好似Muffin。」
訪問那天是安儀的放狗時間，原定約在寶雲道行山徑，但因大雨改到灣仔伊館。安儀邊跑邊拖着Muffin，卻沒半點皺眉，反而笑容滿面：「今次係Muffin出生以來第二次遇到天雨，所以興奮到跳跳紮，見到佢開心，我都會開心。」
跑10K望突破1小時
不講不知，安儀曾經對狗有潔癖，與狗狗玩後會立刻洗手，但在一位breeder朋友處見到Muffin後，就愛不釋手。現時安儀每天放狗兩次，一次清晨一次夜晚，合共3小時，活動包括快跑、慢跑及散步，周末還會去寵物公園。難怪安儀說當Muffin是自己女兒一樣細心照顧，更驚喜是Muffin對自己的桌球事業及跑步都有幫助，「呢啲都係我養Muffin前冇諗過，以前無論練習桌球或比賽中遇到挫折，返到屋企都好忟自己，好難放得低；但有咗Muffin後，見到佢已經好開心，放狗亦令我忘記所有壓力。由於Muffin超級活躍，每日要幫佢『放電』，以免過度興奮，『放電』通常以跑步為主，慢跑、快跑、步行都有，所以多少幫到我備戰渣馬。」
第4次參加渣馬的安儀坦言，和Muffin練跑為她帶來新動力；她亦會第一次為「啓勵扶青會」籌款，希望能跟男友齊齊在1小時內完成比賽。過往3次參加渣馬10公里賽，安儀均以約1小時10分鐘左右完成，希望今年有Muffin的陪練下有新突破。
俾Oki嫌慢更愛跑步
前香港奧運游泳代表、現職游泳教練的蔡曉慧（Sherry），其柴犬叫Oki，名字來由是Sherry有次在沖繩旅行時，遇到一隻可愛柴犬，回港後就決定買了人生第一隻小狗，Oki正是沖繩（Okinawa）的簡寫。這4年來，Oki已成為Sherry家中一分子，她與父母、弟弟會輪流帶Oki散步，一家也會避免全部出埠外遊，以免Oki無人照顧。
訪問那天，戴着煲呔的Oki十分醒神，Sherry同Oki在家附近急步行走，手上一樽清水，腰上繫着報紙袋，見她十分純熟的幫Oki處理便便，毫無難色；沿路Sherry同Oki的步履輕快，背着相機的小記也跟到喘氣。Sherry說：「養狗嘅責任好大，佢係一條生命；有咗佢之後，我覺得自己似個媽媽，湊佢似湊仔。」
為慈善第3度戰半馬
Sherry的養狗過程，要追溯到4年前退役時；做完膝部手術後，她形容Oki是她做物理治療的好拍檔：「Oki好鍾意跑步，每次帶佢出街都鍾意狂奔出屋苑，間中仲會回頭望我一眼，嫌我跑得慢；但每次見Oki個開心樣，我都不知不覺愛上跑步。」
Sherry除了在2011年開始參加半馬，也和Oki參加過兩次慈善狗狗跑步比賽，分別獲得亞軍及季軍。她現在也盡量每天早晚帶Oki散步，惟近年忙於教練工作，有時候會由父母或弟弟代勞：「其實好享受同Oki落街嘅時間，可以咩都唔諗，就集中喺佢身上；好似我陪佢散心，佢又陪我散心，我當Oki係家人，又係best friend。」
去年因工作關係沒跑渣馬的Sherry，今年是第3次參加半馬拉松，目標在兩小時內完成。她更將第一次為慈善而跑，為大會籌款給香港傷殘人士體育協會。
