雖然成日俾左報圍攻，但美國駐港總領事夏千福冇有怕，新搞作係鼓吹「美國夢」。話說美領館近日喺fb公佈，會舉辦第二屆「我的美國夢比賽」，邀請港澳年輕人以文字、照片或影片為媒界，分享自己嘅美國夢，而呢個美國夢內容一定要包括一個指定嘅美國地方，同埋要解釋點解呢個地方代表到真正嘅美國。
所有18歲以上嘅港、澳居民都可參賽，截止日期係4月15日。比賽出手好闊綽，兩名大獎得主會獲贈兩張來回美國機票同五晚酒店，目的地就係參賽者指定嘅美國夢實踐地；其餘得獎者都有機票連酒店等獎品，都咪話唔筍，怕且左報都預備再轟千福BB咯。