【本報訊】東莞掃黃會否令港澳鳳姐得益？關注性工作者團體紫藤認為可能性不大，原因是本港黃色事業的客路與東莞不同，東莞客追求新鮮感，情願往內地其他省份繼續獵艷，也不會回流香港。紫藤反而擔心有內地性工作者避風頭，來港「搶生意」；有澳門夜總會的媽媽生則指，東莞夜總會消費不高，與澳門動輒3,000至7,000元的花費不能相比。
紫藤負責人相信港客不會回流，「佢仲可以去第二啲地方玩，冇咗東莞，可以去國內其他地方，或者澳門都得，因為呢批人多數係想有新鮮感，唔想留喺香港，除非全國掃黃，至會令香港啲客暫停北上」。
港客要新鮮感不願回流
她認為，在公安大力打擊下，不少東莞鳳姐會暫避風頭，「啲女仔會避開，但又唔可以停工，有啲女仔會過嚟或者去珠海，投靠朋友或者姊妹，當係中途站，避開打壓嗰啲省分」。她表示，暫時未看到事件對本港性工作者有何影響，「可能會多咗外勞，邊度搵到食，啲人就去邊」。
澳門夜總會媽媽生阿凍則指出，過年後未見有鳳姐大舉南下「搵食」，客人亦不見大幅增加，她說：「要過多十日八日先知，唔係話嚟就嚟，都要搞證件。」
阿凍解釋，澳門夜場的消費較東莞高，「呢邊乜都要買，但聽講東莞嗰啲坐低淨係畀女仔同酒錢，我哋呢邊happy hour咁計要3,000蚊一個人，過咗12點就冇6,000、7,000都走唔甩，大家客路唔同」。