過去一年海迪和財金界朋友吹水，除咗講股票之外，傾得最多的，就是香港人的前途問題。這種覺得自己被邊緣化的感覺，唔單止出現喺廣東道或者旺角街頭，其實在金融市場存在已久。有做iBank的香港朋友，經常形容自己係「最後一代香港人」，隨着新股市場長期靠北水支撐，恒指有超過一半成份股都是來自國企或內地業務相關公司，內地人佔有地利和先機。
無可否認，內地金融才俊擁有好多先天優勢，不過坐擁大量資源，有時亦唔代表一定會取得成功。在香港設立投資銀行部門的國營銀行或內地金融企業，多如恒河沙數，不過真正做得好的不多。如某中資投行，數年前趁金融海嘯，吸納大批國際投行人員做班底，一度搞得頗有聲色；但不久具中國特色的管治文化出現，所謂太子黨人馬空降落嚟攝位，唔跟規矩做嘢，令有能力之士走人避難，令整個部門陷入無人駕駛狀態，元氣大傷。近年在港金融界，內地人比例急增，但海迪仍然有幸見識到，一些專業、具獨到眼光嘅香港從業員，仍可跑贏大市。香港人是先天「硬件」不足，但專業實力方面仍有水位可搭夠。不過先要條件係，香港人自己要爭氣。
海迪