楊崢跟黃宗澤（Bosco）爆出姊弟戀後，負面新聞不絕，除被指報細年齡，其實非38歲而是42歲外，近日又被爆當年趁黃佩霞大肚時竟想硬撬她的男友，在模特兒界人緣欠佳被指為孤獨精等。昨日楊崢如常返商台主持《1圈圈》，對於被指年齡報細數，楊崢未有否認。
節目完畢後楊崢往停車場取車，她依舊駕Bosco的仿古車，談到被指趁黃佩霞大肚時搶人男友，楊崢淡然說：「十幾年前舊聞，當年已經回應咗，所以冇乜嘢回應。我明白呢排好多人關注我，所以先挖番啲舊聞出嚟講。」會否擔心負面新聞越挖越多？楊崢稱：「唔係真確嘅嘢，冇得驚，一笑置之。」
避談真實年齡
楊崢透露跟Bosco沒有談過這些負面新聞，至於報細年齡，跟33歲的Bosco由相距9年變成只相差5年，楊崢無正面否認：「其實佢（Bosco）都答咗啦，我認同佢所講嘅嘢。」是否42歲相差9年才真？楊崢說：「爭幾多歲我哋兩個人知咪OK囉，溝通到就OK。」有否因近日報道影響雙方感情？楊崢說：「冇冇冇，仍然生活得好開心。」被稱為模特兒界孤獨精，楊崢只說：「傳聞嘅嘢唔真確，朋友嘅嘢大家會知，唔講咁多。」
採訪、攝影：譚倩宜
