【入鄉隨俗】
遊走戰地，與各方勢力及平民百姓接觸，Jason坦言，最重要是「飲茶」和「自嘲」。由於中國人在阿富汗較少見，當地人對他會較nice（好）。
阿富汗戰區，資訊不流通。Jason指，作為該區的ICRC駐外代表，要了解局勢，最好的方法是與當地人面對面會談。
逐家傾偈 掌握局勢
「飲茶係嗰度好重要嘅風俗文化。」Jason與人會面時，對方大多會以茶招待，「有時逐家逐戶同佢哋傾偈，每一家都請你飲茶，飲到好飽」。不過，也只有透過會談，才能得知當地最新情況，「甚至有平民被戰火誤傷，都會趁會面同我哋講」。
至於與各組織人員會面，主要是促使戰爭雙方避免波及平民，「我哋係中立嘅，只係希望佢哋戰鬥嗰陣可以分清楚邊一啲係受保護目標（例如民用設施）」。見面時，首要是「Break the ice（破冰）」。
「自嘲係一個幾好嘅方法。」在當地人眼中，中國人眼睛小，難以分辨是張開眼睛、還是在睡覺，「我就會講笑話『唔好以為我瞓緊覺呀，其實同你哋開緊會㗎』，大家就會笑得好開心，氣氛就會緩和好多」。
《蘋果》記者