志雲始終不相信肥佬黎的「歡迎封殺論」，便問他為何當日要出面為《壹本便利》調停，肥佬黎不加思索便說：「因為你吖嘛！」志雲大驚：「你呢啲叫做put me on the table！」肥佬黎認真解釋，稱因為當日雜誌實力未夠，未必能扺受得住封殺，再者他認為雜誌的確過了火位，是自己理虧在先，但今次明顯不同，他說：「全香港人對呢件事嘅情感同我哋一樣，你要封殺咪封殺囉，睇吓你死得快定我死得快，歷史就係最好嘅test，哈哈！」志雲企圖將話題一轉，笑稱黎智英很寸嘴，Tanya插嘴：「寸就從來㗎啦！佢唔寸你仲驚喎！」肥佬黎自稱性格就是受軟唔受硬：「你越腍，我就越腳軟；你越同我硬，你硬得過共產黨？」
志雲見講不贏肥佬黎，惟有向身旁的「小妹妹」Tanya埋手：「點呀，識到新男朋友未呀？」又取笑她喜歡結識成熟型男士。Tanya反駁：「唔係喎，呢輪傳我同年紀細（拍拖）喎！」前年的確傳出她與Rapper MastaMic撻着，志雲說：「我唔信。佢鍾意親都係大過佢年紀好多嘅。」蔡瀾追問：「鬈毛呢？（岑建勳）」Tanya反應甚大的說：「我借呢個機會澄清一吓，冇咁嘅事！」
陳志雲肥佬黎寸出真火 ! 星期四晚十一點,《亂噏24》約定你！