觀眾最期待的畫面出現了！今集《亂噏24》請來商台高層陳志雲任嘉賓，陳志雲與黎智英兩大傳媒大亨碰頭，未roll機已聞到火藥味。壹傳媒被無綫無理封殺，志雲身為無綫前高層，少不免會被追問此事的看法，想不到肥佬黎快人快語，客氣話未說已搶閘問道：「如果你喺TVB，會唔會封殺壹傳媒先？」然後道出幾年前他亦封殺過《壹本便利》。志雲呼冤：「嗰次唔係我，嗰次係演藝界！」原來對上一次是肥佬黎私下約志雲解決問題，因此假若他仍在TVB，TVB跟壹傳媒的關係未必變成僵局。志雲說：「其實你嘅問題好易解決，我叫你講啲嘢啦，咁你自己又唔肯講，『對唔住』三個字咋嘛，你諗咗咁耐諗到點講未？」肥佬黎說：「我又冇乜特別去諗，老實講，你封殺我等於我封殺你。」他亦留意到同事們比以前更積極，士氣更旺盛，畢竟大家將這件事當成一項挑戰：「我𠵱家話想唔封殺都唔掂呀！你千祈唔好唔封殺我呀！你繼續封殺，歡迎封殺！」蔡瀾笑說：「佢係以俾人封殺而生存！」眾人大笑。
星期四晚十一點, 兩大高手決戰《亂噏24》！