【本報訊】反23條立法，令政治立場溫和的陳文敏（圖）也被列入澳門黑名單。陳自爆2009年接受澳門大學邀請到澳門演講，卻被當地入境人員以「內部保安綱要法」為由拒絕入境，此後他先後三次「闖關」，錄得「兩勝一敗」的「戰績」，此後無意再訪澳。
進出內地未有受阻
陳文敏指，2009年被拒入境後，澳門大學翌年再邀請他到訪，並事先表明「一定冇問題」，結果成功入境。演講兩星期後，有港大同事向陳提出「搞笑」建議，說已訂枱邀請陳到澳門吃飯，過程一直保持低調，但陳再遭拒絕入境。約半年後，陳文敏隨家人到澳門旅行，當家人成功過關後，陳登記入境時觀看入境處螢幕顯示，「發覺佢哋係綠色，我就係紅色」，最終經交涉才能入境。
他相信，已被列入澳門入境黑名單，「即係回歸、五一、七一、六四，同埋有重要政治人物訪問澳門嗰陣都唔去得」。他估計2009年訪澳時適逢澳門正就23條立法，「因為我係23條關注組成員，佢哋就擺咗落去（黑名單），至今冇攞番出來」。而他進出內地則未有受阻。