美國高球手活士打波叻就係人都知，估唔到佢嘅侄女莎蓮活士（圖）一樣咁堅。莎蓮活士嘅爸爸艾爾丹尼臣活士同「老虎」係同父異母嘅兄弟，而日前現年23歲、只係打咗職業賽兩年嘅莎蓮參加澳洲女子高球大師賽，喺禮拜日嘅最後一日賽事打出低標準桿4桿嘅69桿，結果憑總成績276桿，贏第2位嘅澳洲業餘球手李旻智兩桿，奪得冠軍。