83歲嘅金融大鱷索羅斯被女打！索羅斯應該好明白，投資涉及風險，但佢可能唔知，揀女友都有風險。
佢嘅前女友費雷爾（Adriana Ferreyr）2011年入稟向佢索償3.9億元（5,000萬美元），上周作證時突然狂躁，怒打索羅斯個頭。
據索羅斯嘅律師辛格所講，當時費雷爾突然撲向索羅斯打佢個頭，辛格想埋去阻止，點知費雷爾連辛格都打埋，打到佢眼鏡都飛甩，又打到索羅斯助手，仲用粗口鬧另一名律師，甚至連自己律師都打埋。
30歲嘅費雷爾係巴西肥皂劇女演員，跟索羅斯拍拖五年，2011年分手。同年，佢向索羅斯索償，話索羅斯應承送曼克頓一個1,500萬元嘅單位畀佢，點知最終將個單位送咗畀現任太太Tamiko Bolton，又話索羅斯當時有打佢。