行事激進、只懂抗爭搞事嘅禮義廉蔣麗芸上周佔領喺郵輪嘈嘈閉,又唔提出解決辦法,網民都話,呢次「讓愛與和平佔領郵輪」好具啟發性,教曉佢哋幾件事,第一件事就係「女人行動,比男人強悍」。佔中發起人唔知有冇興趣加多個女性代表,大可向元秋請教。
此外,「佔郵」亦令人明白,佔郵係幫助負擔得起郵輪假期嘅「弱勢社群」,佔中就罪大惡極,危害社會經濟發展。遊客報名時簽嘅合約同《基本法》一樣,邊個惡,邊個就可以解讀,咁又啱喎,佔郵一事最終都係靠閉門談判,睇吓恒基高層賠到幾多、客人落袋幾多啫!仲追究下龍灣係咪有沉船搞到冇得上岸觀光?Who cares?