民建聯姓蔣的副主席預演佔領中環？
佔領郵輪，關乎一家普通旅行社（中資就唔同），涉及的賠償金額，半個零頭，並不是經濟教授篤出來的每日損失十六億，四叔打半個乞嚏已經冇咗，特區經濟並無損耗，國際形象，絲毫不會降級，旅霸雖霸，並無騷亂，解放軍不必鎮壓，船長無需引咎辭職。三個字：小事一樁。
話雖如此，這一場小兒科佔輪，仍觸動幫港×聲的神經，決定鬧爆。原因之一，是副主席騎劫了一條郵輪，忽然做晒代言，有苦主撐腰兼過票，搶風頭的轉數那麼快，容乜易搶埋幫港×聲的飯碗，今日唔出聲，明日馬上踎dun。
原因二，條船是因為泊唔到下龍灣的碼頭，所以回航。夾硬泊埋去，隨時重蹈南丫海難的悲劇覆轍，死得人多。狼英到時又要搵越南政府道歉嗎？被一個三世阿賓總統玩得夠慘了，姓蔣的議員，分明想俾越共蕉皮狼英踩，添煩添亂。幫港×聲暫時冇乜job（佔中後援會做了），得閒得滯，樂於賣交情，幫狼出聲，叫姓蔣的，馬上收皮（蕉皮）！