湖人拜恩復出無期，大家都知雖然佢高票當選西岸明星隊正選陣容，但一定冇機會出戰今屆明星賽。賽會方面喺上周五決定咗代替拜恩嘅人選，就係「一眉前鋒」塘鵝嘅安東尼戴維斯（23號）。今屆明星賽喺新奧爾良舉行，一眉作為呢個地方球隊嘅主力，或者佔少少優勢，不過佢喺今季表現確實出色，上周五常規賽拎26分10籃板帶領塘鵝贏木狼，獲選都係實至名歸嘅。