女藝人「豬油糕」喺大婆台個食飯劇裏面佔嘅戲份唔少，而佢就真係當正自己係女主角，其實呢啲劇有好多條線，好多人都係主角，不過豬油糕覺得自己年輕貌美，加上嗰排戲份比較多，忽然自我升呢做咗阿姐，自我感覺良好嘅佢，竟然走去教人做戲。
話時話，豬油糕出道嘅資歷唔係好深，演技又唔係話好出色，拍劇竟然走咗去教人做戲，令到啲資深演員睇到都覺得好好笑。
激嬲高層
最後呢個怪現象俾高層「奀姐」知道咗，奀姐最憎人扮嘢，又唔聽話，嬲起上嚟即刻叫編劇寫少啲佢嘅戲份。咁豬油糕都知衰，得到教訓之後，佢至乖乖做番本份，𠵱家咪多番啲戲囉。
撰文：關仁