何佩瑜（Jeana）去年犯太歲，跟舊愛張柏文分手收場，馬年剛至，Jeana便大行桃花運，前日有讀者報料指她上周五（年初一）秘密偕許亦妮舊愛、太陽集團有米高層盧啟邦（Andrew）同遊東京，不過為了避嫌，二人前後腳返港。根據讀者提供的資料，二人初一結伴乘坐國泰CX500頭等艙飛東京避年，有人曾在銀座目睹他們當街打情罵俏。
Andrew去年狠撇許亦妮後，也曾被指搭上前港姐文凱玲，女方更把被他啜爆臉頰的照片放上網，不過Andrew先後否認兩段戀情，原來他情歸34C的Jeana，兩人更趁着新年結伴外遊。Andrew在日本逗留到本周二（年初五）才回港，但Jeana所屬的GME剛好初五晚食飯，所以她提早一日、於本周一先獨自回港，而他們前後腳回港，也正好避過耳目。據知Andrew和Jeana去年在友人婚禮認識，料不到火速撻着。
死撐是朋友
記者昨致電Andrew求證，但他否認跟Jeana遊日：「咁啱同機唔奇，新年都係嗰幾日去，我今次係同家人去日本玩。我冇見到Jeana，同佢唔熟，我唔想再同娛樂圈中人拉上關係。」那可會貼錢Jeana解約，到時她便不是藝人身份？Andrew搞笑說：「唔會，我冇錢。」
至於Jeana跟Andrew口供一致，同樣否認拍拖外遊，她昨在電話中說：「我屋企人返咗北京過年，我就同幾個朋友去日本，佢哋過去先，我自己初一飛去join，但我唔係同阿邦（Andrew）去。」問到與Andrew可有發展空間？Jeana說：「我哋係朋友，我想事業有發展多啲。」她在行程中雖有貼微博，但絕口沒提東京之旅，看來怕洩漏蛛絲馬迹。
採訪：羲和
