賭王四太梁安琪昨日以保良局副主席身份現身銅鑼灣，出席新春團拜活動，同場還有主席鄭錦鐘、副主席朱李月華等。四太一身白色套裝配短褲騷腳，心情大靚，而她四月更會坐正榮升主席一職。四太在儀式時不斷看錶趕下場，不過她亦有接受訪問，透露新年期間已跟賭王吃開年飯，之後與子女外遊，但不願透露旅遊地點：「畀啲私隱我。」
「冇壓力好難生存」
問到四太的新年願望，她說：「希望大家好、經濟繁榮、身體健康、龍馬精神！」她透露：「何生對傳媒好重視同關心，我哋大家一齊祝何生龍馬精神、身體健康！」四太的子女都陸續畢業，超盈幫手打理酒店發展業務，而猷君亦嘗試到銀行實習，問到對子女的期望，四太說：「希望佢哋讀書科科A，個仔出年畢業，希望佢可以學多啲嘢，除咗讀書，社會大學都好重要，社會上好多叻嘅人。」記者提議子女跟四太做生意，她表示：「我冇嘢畀佢哋學，應該出嚟做吓嘢，去吓大企業打滾。」提到出面打工有壓力，四太贊成她們外闖：「你同我都有壓力，冇壓力好難生存同成長。」
採訪、攝影：羅慧敏