前2R成員黃婉佩（Race）前年已經搬返新加坡居住，春節假期仲同屋企人享受家庭樂。前日Race已經喺微博上載性感泳衣相，雖然得件白色一件頭泳衣，但身材依然索爆。今日仲上載多張三姊妹合照，不過家姐Rosanne著到鬼咁密實，一啲都唔似去沙灘，完全俾兩個妹搶晒風頭。
港女寸嘴Barbie(夏尉瑜)都趁春節去咗享受陽光海灘，嘩！三點式盡展34.5C爆乳身材，真係咁益大家？其實佢之前仲上載幾張三點式素顏相，並留言話：「請見諒，素顏照﹛不完美！﹜。」
但睇真啲張相，就見到佢塊面爛爛地，又多暗瘡。唔知係唔係因為畀網民話佢爛面，結果速速刪咗部份相，等大家唔駛提早過萬聖節，幾體貼喎。