G.E.M.(鄧紫棋)昨晚在湖南衛視播出的《我是歌手2》，獻唱Beyond嘅《喜歡你》。不過原來除咗佢唱廣東歌，仲有一位歌手唱廣東歌，就係周筆暢！筆筆揀咗張學友嘅《愛火花》唱，表現仲唔錯添！
講番G.E.M.，如傳聞一樣今次冇騷巨肺唱功，開頭耳機有啲問題，搞咗一輪終於再唱番，加上呢日佢仲好識帶動氣氛，尤其當《我是歌手2》班觀眾嘅反應以誇張出名，都被阿G.E.M.感動，就連樂手都一齊揮晒手呀。
G.E.M.唱完之後，仲有好多觀眾(有男有女)大叫佢「女神」，睇嚟佢喺內地都好吃得開。最後經過觀眾投票，G.E.M.又成功重奪第一位置。