嚟緊內地有一套電影，叫做《林中小屋》即將上映。根據電影嘅介紹，話係一套愛情懸疑電影，但睇到條預告，真係一啲懸疑嘅感覺都冇，只聽到強勁嘅酒吧音樂，睇唔到畫面乜滯，剩係見到啲男女角色攬嚟攬去，錫嚟錫去，真係唔知做咩。唔止咁，啲音樂激似《喜愛夜蒲》，唔通《夜蒲3》終於可以喺內地上映，但改咗名叫《林中小屋》？
再睇埋呢張《林中小屋》海報，同《喜愛夜蒲3》相似度有80%，無論係字款、用色、男男女女疊埋一堆，同埋要大家好似「側頭貓」咁欣賞張海報嘅匠心獨運，都一模一樣。
抽水抽到盡都未夠，就連演員都用埋《喜愛夜蒲3》嘅雨僑。為咗抽水，真係可以去到幾盡？
錢國偉嘅女朋友陳宛蔚見到，連日喺微博插爆，佢話：「這套《林中小屋》是驚慄戲，沒有香港的蘭桂坊，沒有夜蒲！希望大家小心，不要被《林中小屋》這些無良商人，監製和發行商騙到！請大家幫忙轉發。」