蘇富比與佳士得兩間國際拍賣行一直鬥得難分難解，香港蘇富比自2012年租用金鐘太古廣場一層寫字樓作藝術空間，方便定期舉辦小型藝術展或展售會，要拍賣唔使等到春、秋兩次大型拍賣。佳士得舊年底亦將中環歷山大廈22樓寫字樓重新裝修為藝廊，計劃舉辦更多展覽，本月28號正式開幕。
佳士得亦計劃喺呢個藝廊舉辦為期約半個月嘅開幕展覽，展出包括朱德群、曾梵志、徐悲鴻、安迪．華荷等知名藝術家作品。除舉辦展覽，佳士得亦計劃開辦藝術講座同教育課程，目的應該都係提高大家對藝術嘅興趣，從而增加拍賣行嘅生意。
開幕展覽部份展品：
