地監局主席陳韻雲係低調富婆，掃豪宅冇手軟，粗略估計佢持有嘅本港物業市值至少50億元，但佢就語重心長咁勸告年輕人，唔好以為「有物業先有成就」！
陳韻雲噚日喺春茗上透露，自己30幾歲先上車，當年約以25萬英鎊買入一英國物業收租，持有四年後易手賺兩成，之後轉投本港物業市場。單係過去三、四年，佢已斥資近19億元買入山頂、南區多個豪宅物業。
陳韻雲持有最貴重嘅物業，應該係旗下酒店品牌VCC Land喺港島嘅五幢服務式住宅同酒店項目，仲有兩個山頂白加道物業。陳韻雲有家底兼有學識，本身係律師，爸爸係老牌發展商永傑集團老闆陳澤儒，家族同個人持有多個貴重物業。