NBA明星賽仲有個幾星期就開波，官方比賽服飾供應商「三間牌」生產嘅明星賽東西岸球衣、練波衫同埋明星賽特別版波鞋等相關產品，噚日開始已經喺香港有得賣。今屆明星賽首次用短袖波衫比賽，球迷可以買番件紀念吓。波鞋方面，三間牌為旗下球員懷特侯活（圖）推出明星賽特別版「D Howard 4」；而因傷冇份打嘅戴歷路斯都一樣有鞋出。